Bujar Nishani ka dekretuar dhënien e nënshtetësisë shqiptare edhe për ish ndihmës trajnerin e De Biasit, Paolo Tramezzani dhe përgatitësin atletik Alberto Bela
Presidenti i Shqipërisë, Bujar Nishani, ka dekretuar dhënien e nënshtetësisë për ish-zëvendëstrajnerin e përfaqësueses kuqezi dhe aktualisht trajnerin e Luganos në Zvicër, Paolo Tramezzani.
Veç tij, një pasaportë shqiptare do të marrë edhe përgatitësi atletik Alberto Bela, shkruan Top Channel.
Ashtu si Gianni de Basi rreth një vit më parë, edhe dy pjesëtarë të tjerë të stafit të tij, edhe pse Tramezzani nuk është më, tashmë do të përfitojnë pasaportën shqiptare.
Në prag të ndeshjes me Italinë, i gjithë stafi teknik, duke përjashtuar të sapoemëruarin Veroneze, do të jenë me nënshtetësi shqiptare.
