Është arrestuar militanti i Nismës për Kosovën, Blerim Rizah Sinani, i cili në fshatin Korreticë e Ulët po bënte trysni mbi qytetarët, duke kërkuar që të votojnë për kandidatin e Nismës për kryetar të Drenasit, në këmbim të mjeteve financiare.
Për presionin që militanti i Nismës po bënte mbi qytetarët, kishte raportuar edhe Lajmi.net para rreth 3 orësh.
Arrestimin e tij, lajmi.net e ka konfirmuar me burime brenda Policisë së Kosovës.
Militanti i Nismës, Blerim Sinani, sot gjatë tërë ditës iu ka bërë oferta qytetarëve që të votojnë për Isa Xhemajlin, që ta fotografojnë votën e tyre dhe në këmbim të tyre do t’u jepte mjete financiare.
