BE u kërkon Spanjës e Portugalisë të ulin deficitin e tyre financiar

Bashkimi Europian vendosi të martën të mos ndëshkojë Spanjën dhe Portugalinë për deficitin e tepërt financiar, por paraqiti skemën e re për uljen e tij.
Sipas deklaratës së publikuar nga Këshilli i BE-së, Unioni u bëri thirrje Spanjës e Portugalisë të ulin deficitin e tyre financiar të vitit 2016, përkatësisht në 4.6% dhe 2.5%.
BE-ja u bëri thirrje qeverive të Spanjës dhe Portugalisë të marrin masa efikase dhe të paraqesin raportin e veprimit para 15 tetorit, përndryshe BE-ja do të pezullojë fonde ndihme ndaj tyre.
Sipas rregullave të BE-së, nëse deficiti financiar i ndonjë vendi anëtar kalon nivelin e caktuar, Komisioni i BE-së de ndëshkon atë me një gjobë prej afro 0.2% të GDP-së së këtij vendi, por gjoba mund të shmanget në raste krize ekonomike ose me kërkesën e arsyeshme të vendit anëtar.