Vitet e fundit kanë qenë të vështira për Manchester Unitedin, ndërsa e kanë nisur tmerrësisht këtë sezon (2022/23) nën drejtimin e Erik ten Hag.
Si të tillë, ata po kërkojnë përforcime dhe Casemiro është një opsion për klubin nga Old Trafford, që po përkojnë përforcime në çdo pozitë.
Manchester United është lidhur me emra si Alvaro Morata, Pierre-Emerick Aubameyang, Raul de Tomas dhe Matheus Cunha për të forcuar vijën e sulmit, ndërsa mesfushori me të cilin janë lidhur më së shumti është Frenkie de Jong.
Por, tani ekziston opsioni i Casemiro dhe disa drejtorë të Manchester United janë në fakt në Madrid në këtë moment.
???? El United apunta a Casemiro https://t.co/EG44j8yC7J ✍ Te lo cuenta @jfelixdiaz
— MARCA (@marca) August 16, 2022
Real Madridi do të preferonte ta mbante brazilianin pasi ai është ende një titullar i rregullt për Carlo Ancelottin, me të cilin lojtari ka një marrëdhënie shumë të veçantë.
Nuk ka ende ofertë për Real Madridin, por drejtorët e klubit anglez janë në kryeqytetin spanjoll për bisedime.
Nëse Casemiro do të largohej, Ancelotti do të kishte ende emra si Luka Modric dhe Toni Kroos, por edhe Fede Valverden, Eduardo Camavingan, Dani Ceballos dhe Aurelien Tchouamenin.
Ishte në vitin 2013 kur Casemiro mbërriti te Real Madrid nga Sao Paulo.
Nënshkrimi kushtoi 6 milionë euro, ndërsa Casemiro u huazua te Porto.
