10.4 C
Pristina
Friday, March 29, 2024

Buy now

spot_img

Çfarë premtojnë kandidatët për Drenas? (Video)

Investitorë nga Evropa, investime në infrastrukturë dhe shfrytëzim të pasurive natyrore, të cilat vazhdojnë të mos shfrytëzohen, janë vetëm disa nga premtimet e kandidatëve për kryetar të Drenasit, zgjedhjet për të cilin do të mbahen më 4 dhjetor. Ata kanë kritika edhe për ikjen e investitorëve. Kurse, kandidimin e Ramiz Lladrovcit nga Partia Demokratike e Kosovës e shohin si imponim të partisë, i cili ka sjellë pakënaqësi te qytetarët.
Kandidatët e pavarur që kanë dalë nga partia më e madhe në Drenas, Partia Demokratike e Kosovës, mendojnë se votat do t’i marrin nga elektorati i kësaj partie. Ndërsa, kandidatët e subjekteve tjera politike, mendojnë se do të fitojnë për shkak të pakënaqësive nga partia që drejton Drenasin që nga paslufta.
Kandidati i Pavarur për komunën e Drenasit, Naim Bazaj, tha për KosovaPress se qytetarëve të Drenasit iu premton vetëm investime. Ai, në të njëjtën kohë, përmendi shifrën për rreth 985 mijë euro që ka humbur Komuna e Drenasit për shkak të ikjes së investitorëve.
I pyetur për kandidaturën e ish-ambasadorit në Shqipëri, Ramiz Lladrovcit, për kryetar të Komunës së Drenasit, ai tha se ky person nuk është dashtë t’i prish kolltukët atje e as të vijë nga qendra, por me propozime konkrete. Ai shpreson që më nuk do të bëhen imponime nga niveli qendror, sepse po sjellin edhe pakënaqësi tek qytetarët.
Kandidati tjetër i pavarur, Rrahim Elshani, ka folur për problemet të cilat janë në komunën e Drenasit, duke u zotuar se ka hartuar plane konkrete për t’i përmirësuar të gjitha këto. Kurse, për propozimin e ish-ambasadorit Lladrovci, tha se këto struktura që janë zgjedhur nuk sjellin ndonjë ndryshim.
“Komuna e Drenasit nuk ka barnatore për barna esenciale, e kjo është një diçka absurde”, tha ai.
Në anën tjetër, kandidati nga Nisma për Kosovën, Isa Xhemajli, tha se nuk do të punojë për subjektin e tij politik, por për qytetarët e Drenasit, dhe se qeverisjen do të bëj me ta.
KosovaPress ka tentuar të flas edhe me kandidatin e Partisë Demokratike të Kosovës, Ramiz LLadrovcin, por një gjë e tillë ishte e pamundur.

Artikuj të ngjashëm

- Marketing -spot_img
- Marketing -spot_img

Artikujt e fundit

- Marketing -spot_img