20.7 C
Pristina
Saturday, May 28, 2022

Buy now

spot_img

Çka tha Hashim Thaçi sot para deputetëve në Kuvend (Video)

Hashim Thaçi, për herë të parë si president i Republikës, u është adresuar deputetëve në fjalimin vjetor.
Vetëm 51 deputetë nga 120, e dëgjuan fjalimin e presidentit, i cili në shkurtin e këtij viti u zgjodh nën gaz lotsjellës e në objekt të rrethuar me policë.
Ulëset e tri partive opozitare ishin të zbrazëta, sikurse ato të deputetëve të Listës Serbe që një ditë më herët iu kthyen punës në institucione, raporton KTV.
Pak dallim me ulëset e opozitës kishte edhe partneri i koalicionit, LDK-ja.
Të paktë ishin deputetët e Isa Mustafës që kishin marrë mundin të jenë në Kuvend për ta dëgjuar presidentin.
Nga Kuvendi i Republikës, presidenti ka dërguar mesazh se Kosova nuk do të ndahet me mure, e muri në veri nuk do të ekzistojë.
I pari i shtetit foli edhe për Gjykatën Speciale për të cilën tha se erdhi nga pafuqia në mbrojtjen e dëshmitarëve, kërcënimi e vrasja e tyre.
Nuk la pa i përmendur vizitat e tij në memorialet e serbëve të vrarë në Kosovë dhe zërat kundër vizitave të tij.
Presidenti foli edhe për demarkacionin, marrëveshje që e kishte nënshkruar vetë ai si ministër i jashtëm, duke thënë se reagimet kundër kanë dëmtuar qytetarët e Republikës së Kosovës, të cilët ende nuk mund të udhëtojnë të lirë në Bashkimin Evropian.
Sipas tij, reagimi kundër ishte agjendë e interesit të ngushtë politik dhe injorancës profesionale, e në asnjë rrethanë kauzë kombëtare apo ngadhënjim i argumenteve.
Shefi i shtetit foli edhe për korrupsionin si kusht tjetër për liberalizim, duke thënë se askush nuk do të jetë mbi ligjin.
Nuk e la pa folur edhe për luftën kundër terrorizmit. Tha se idetë ekstremiste nuk pranohen në shoqërinë kosovare.
Thaçi ka folur për punën si president që në marrje të mandatit.
Tha se ka ndërmarrë veprime konkrete për të garantuar liritë dhe të drejtat e qytetarëve për të fuqizuar rendin e ligjin, prandaj edhe ka kërkuar plotësim ndryshimin e Kodit Penal.
Foli edhe për reformën zgjedhore për të cilën tha se po bëhet për t’i siguruar qytetarët se ata do të votojnë në një proces të drejtë, transparent dhe fer.

Related Articles

Stay Connected

0FansLike
3,333FollowersFollow
0SubscribersSubscribe
- Marketing -spot_img

Latest Articles