Gecaj:Vetëvendosje duhet ta dijë se nuk ka kod ndërkombëtar për thirrje lokale

Bajram Gecaj, këshilltari i kryeministrit, tha se është brengosëse kur aktivistët e Vetëvendosjes në analizat e tyre përfundojnë, duke krahasuar, përkthyer dhe përshtatur deklaratat e Marko Gjuriqit.
Gecaj këtë deklaratë e bëri duke iu referuar deklaratave të Vetëvendosjes lidhur me kodin telefonik.
Lexoni të plotë postimin e Gecajt në Facebook:
“Është fatkeqësi brengosëse kur doktorantët e aktivistëve të Lëvizjes Anarkiste të Vetëvendosjes (LAV) në analizat e tyre përfundojnë, duke krahasuar, përkthyer dhe përshtatur deklaratat e Marko Gjuriqit. Ndryshe si të shpjegohet nonsensi i “trishtimit” të këtyre aktivistëve…si “profesionistë” ata do të duhej ta dinin se nuk ka kod ndërkombëtar për thirrje lokale.
E di se LAV-istave do t’u shtrenjtohen thirrjet në Serbi, por ne tani po mundohemi t’ua lehtësojmë edhe këtë përmes marrëveshjes roming, marrëveshje të cilën e kemi edhe me shumë shtete tjera”.