Kryetari i Akademisë së Shkencave dhe i Arteve, Akademik Hivzi Islami, në një fejton të shkruar për gazetën “Zëri”, Shpejtim Bulliqin dhe Florim Isufin, i ka quajtur, diletantë në funksion të grupeve të interesit, profiterëve politikë dhe konflikteve të gjëra ndërshqiptare.
“Florim ISUFIN dhe Shpejtim BULLIQIN, ish-studentët e mi, më vonë dhe bashkëpunëtorë e kolegë, të gjithë i njihnim për lakmitarë, një ves i njohur i tyre. Si ekspertë me rezultate të shquara profesionale-shkencore në fusha të caktuara, nuk i çmonte kush në Departament, për kufij jo se jo. Çështja e kufijve për ta ishte si një “anije kozmike”, pa njohuri teorike dhe pa hulumtuar në terren në zonat kufitare, ndërsa për zonat e problematizuara nga vetë ata dhe grupet politike dhe individët karrieristë as që kishin dëgjuar. Për të dalë nga anonimiteti, i bënë një shërbim të keq profesionit, shkencës dhe Kosovës, ndër më të keqin kohëve të fundit”, ka shkruar Islami.
