Incidenti tragjik, elefanti qëllon me gurë në kokë 7-vjeçaren

Një 7-vjeçare ka humbur jetën këtë të mërkurë pasi u qëllua me gur në kokë nga një elefant.

Ngjarja ka ndodhur në një kopsht zoologjik në kryeqytetin maroken Rabat, aty ku vajza ndodhej së bashku me familjen e saj.

Elefanti femër me emrin Assia, kapi me fyçkë një gur të madh dhe e hodhi në ajër duke kaluar hendekun që ndan kafshët me vizitorët. Guri ra në kokë të vajzës.
Raportohet se vajza u dërgua pa ndjenja në spital dhe më pas ndërroi jetë, pasi nuk mundi t’i mbijetojë plagëve të marra.