Kadri Veseli: Terrorizmi e keqe që duhet ta luftojmë bashkë

Kryeparlamentari i Kuvendit të Kosovës Kadri Veseli ka reaguar për sulmin e mbrëmshëm në Turqi.
“Sulmi mizor në Stamboll dëshmoi edhe një herë se terrorizmi është një e keqe që kërcënon mbarë njerëzimin dhe kërkon angazhimin e të gjithëve për ta luftuar”, ka shkruar Veseli në Facebook.
Ai tutje ka shprehur ngushëllime për viktimat e këtij sulmi, numri i këtyre të fundit deri më tani ka shkuar deri në rreth 40.
“Ngushëllime për familjet e viktimave dhe shërim të shpejtë për të lënduarit. Kosova ndodhet përkrah Turqisë në këto momente të vështira dhe do vazhdojë ta japë maksimumin e kontributit në kuadër të frontit kundër terrorizmit.”, ka përfunduar ai.