Komuna e Kamenicës ka kërkuar nga Forca e Sigurisë së Kosovës që tu dalë në ndihmë pas reshjeve të mëdha të borës, pasi që siç thuhet në këtë kërkesë, komuna është duke u përballur me një situatë emergjente, raporton GazetaBlic.com
Kjo komunë ka kërkaur nga FSK-ja që tu ndihmojë për zhbollokimin e rrugëve në disa fshatra, gjë të cilat nuk ka arritur t’i bëjë vet komuna, shkaku i shpenzimit të kapaciteteve të mundshme për hapjen e rrugëve.
Më poshtë ua pasqyrojmë të plotë kërkesën e Komunës së Kamenicës, drejtuar FSK-së:
Kerkese nga Komuna e Kamenices
Forcës së Sigurisë së Kosovës
z. Haki Xhemajli, Komandant i Batalionit të parë në Rajonin e Gjilanit
Kërkesë
Kërkojmë nga Forca e Sigurisë së Kosovës, që të na dalë në ndihmë pas reshjeve të mëdha të borës në Komunën e Kamenicës.
Komuna e Kamenicës po përballet me një situatë emergjente ku shumicca e rrugëve që lidhin fshatrat e kësaj komune janë të bllokuara nga reshjet dhe orteqet e borës të krijuara nga erërat.
Situata më e rënduar është në Tugjec ( Pika Kufitare në Kapi) që është e bllokuar, Zajqeci, pastaj në Poliqkë, Marovc, Vriqec, dhe rrugët dytësore në shumicën e fshtrave të Kamenicës ku ka edhe banorë të sëmurë.
Ndihma Juaj do të ishte e mirëseardhur për Komunën Tonë, me mjete të rënda motorike.
Ne si komunë kemi hargjuar të gjitha kapacitetet e mundshme për hapjen e rrugëve. Kompania e kontraktuar nga Ministria është në teren, gjithashtu edhe kompanitë e tjera private të angazhuara nga Komuna e Kamenicës.
Për informata të tjera ju lusim që të na kontaktoni 24 orë në ditë në telefonin 044 231 212 – Faik Rexhepaj – Drejtor i Mbrojtjes dhe Shpetimit.
