“I mjerë asht ai që thotë çka më ofron Kosova. I fortë është ai që i ofron Kosovës kushte”!
Kështu është shprehur zëvendëskryeministri i Kosovës, Ramiz Kelmendi, në emisionin Rrokum Rrol në TV Rrokum.
Në një bashkëbisedim me gazetarin Fidan Jupollin, ai ka thënë se planifikon të hapë një zyre ku të paktën një herë në javë do të presë qytetarët për të biseduar për idetë e tyre për krijimin e bizneseve të reja.
Kelmendi ka thënë se dëshiron të jetë një shtytës dhe një motivues për sipërmarrësit e rinj, që të mos kenë frikë të nisin biznese dhe të jenë investitorë të rinj.
