Zëdhënësi i Putinit, Dmitry Peskov tha se Rusia nuk e njeh juridiksionin e Gjykatës Ndërkombëtare Penale dhe e përshkruan vendimin e saj si “të egër dhe të papranueshëm” raporton BBC, përcjell Reporteri.net.
“Rusia, së bashku me disa shtete të tjera, nuk e njeh juridiksionin e asaj gjykate dhe kështu çdo vendim i këtij lloji për Rusinë është i pavlefshëm nga pikëpamja juridike”, tha Peskov për gazetarët në një konferencë telefonike.
Ai nuk iu përgjigj pyetjeve të tjera në lidhje me këtë situatë.
Kujtojmë se Gjykata ndërkombëtare Penale ka nxjerrur urdhër arrest për presidentin rus, Vladimir Putin bazuar në dyshimin e dëbimit të paligjshëm të fëmijëve dhe transferim të paligjshëm të njerëzve nga territori i Ukrainës në Federatën Ruse. /Reporteri.net/
