-0.9 C
Pristina
Saturday, January 28, 2023

Buy now

spot_img

Lajçak në Kosovë për një darkë pune me zëvendëskryeministrin Besnik Bislimi

I dërguari i posaçëm i Bashkimit Evropian për dialogun Kosovë-Serbi, Miroslav Lajçak, pritet të takohet sonte me zëvendëskryeministrin e Kosovës, Besnik Bislimi.

Kështu konfirmoi për Radion Evropa e Lirë Klisman Kadiu, këshilltar për media i zëvendëskryeministrit.

Ai tha se Lajçak dhe Bislimi do të takohen për një darkë pune.

Kurse me kryeministrin Albin Kurti, Lajçak nuk do të zhvillojë takim.

Kështu kanë konfirmuar nga Qeveria e Kosovës në një përgjigje për Gazetën Online Reporteri.net.

“Për takimet e Kryeministrit Kurti me z. Lajcak njoftoheni gjithmonë paraprakisht. Ne nuk kemi pranuar ndonjë kërkesë zyrtare nga z. Lajcak për takim me kryeministrin Kurti”, tha zëdhënësi i Qeverisë, Perparim Kryeziu.

Për vizitën e Lajçakut në Kosovë nuk ka detaje të hollësishme, por diplomatët në Bruksel pohojnë se kjo duhet parë si përpjekje e vazhdueshme e Bashkimit Evropian për t’i bindur palët që ta pranojnë propozimin e ashtuquajtur franko-gjerman të BE’së.

Lidhur me këtë, të martën në telefon me Kurtin ka biseduar edhe Këshilltari i lartë i DASh, Derek Chollet.

Chollet tha se, ndër të tjera, temë e bisedës ishte edhe kërkesa ndaj Kosovës për ta pranuar propozimin e BE-së.

“Bisedova me kryeministrin Albin Kurti sot për të diskutuar propozimin e BE-së për normalizimin e marrëdhënieve me Serbinë dhe për t’i kërkuar Kosovës që ta pranojë atë. Një temë kryesore ishte partneriteti ynë dhe synimi i përbashkët për avancimin e integrimit evropian dhe euroatlantik të Kosovës”, ka shkruar Chollet, përcjell Reporteri.net.

Kryeministri Kurti vetë nuk ndau detaje nga kjo bisedë telefonike.

Përpjekjet për pranimin nga të dy palët në dialog, të propozimit të BE’së, u intensifikuan në fillimvit, pas vizitës së pesë diplomatëve në Kosovë e Serbi.

Derisa presidenti i Serbisë, Aleksandar Vuçiq, pas këtij takimi deklaroi se pranon të vazhdojë bisedimet mbi bazën e këtij propozimi, pasi tha se do të ketë sanksione ndaj tyre nëse e bëjnë të kundërtën, kryeministri Albin Kurti është treguar më i tërhequr, duke mos e pranuar publikisht propozimin ende. /Reporteri.net/.

Artikuj të ngjashëm

50,000FansLike
- Marketing -spot_img

Artikujt e fundit

- Marketing -spot_img