Emisari i BE-së për dialogun Kosovë-Serbi, Miroslav Lajçak, ka takuar kryeministrin e Kosovës, Albin Kurtin, në Davos të Zvicrës, ku po mbahet Forumi Botëror i Ekonomisë (WEF).
Takimin e ka njoftuar vetë Lajçak me anë të një postimi në llogarinë zyrtare të tij në ‘Twitter’, shkruan Demokracia.com.
Sipas Lajçak, me Kurtin u diskutua për hapat e ardhshëm për dialogun, normalizimin e marrëdhënieve dhe çështjeve aktuale.
“Fillova ditën time në Davos për #wef23 me një diskutim të thelluar me Kryeministrin Albin Kurti. Ne folëm për hapat e ardhshëm në dialog për normalizimin e marrëdhënieve dhe çështjet aktuale”, thuhet në postimin e Lajçak.
Emisari i BE-së për dialogun pritet ta vizitojë Kosovën pas dy ditësh.
Mediat serbe njoftuan se Lajçak ka takuar edhe presidentin e Serbisë, Aleksandër Vuçiq.
