Një luftanije ruse e armatosur me armë lundrimi hipersonike të gjeneratës së re do të marrë pjesë në stërvitje të përbashkëta me marinën e Kinës dhe të Afrikës së Jugut në shkurt.
Kjo është hera e parë zyrtare që bëhet e ditur pjesëmarrja e fregatës “Admirali i Flotës së Bashkimit Sovjetik Gorshkov”, e cila është e armatosur me raketa Zirkon.
Raketat fluturojnë nëntë herë më shpejt se shpejtësia e zërit, me një rreze prej më shumë se 1000 km, sipas Rusisë.
Ato përbëjnë pjesën qendrore të arsenalit hipersonik të Kremlinit, së bashku me mjetin rrëshqitës Avangard që u fut në detyrë luftarake në vitin 2019.
“Admirali Gorshkov… do të shkojë në pikën e mbështetjes logjistike në Tartus të Sirisë dhe më pas do të marrë pjesë në stërvitjet e përbashkëta detare me marinën kineze dhe afrikano-jugore”, sipas agjencisë shtetërore ruse, TASS, e cila citon një burim jo zyrtar nga Mbrojtja./Prishtinapress/
