17.7 C
Pristina
Tuesday, May 24, 2022

Buy now

spot_img

Mustafa pranon që u pengua nga serbët në veri, por thotë se ata kanë mbetur mjedis rruge!

Kryeministri i Kosovës, Isa Mustafa, e ka pranuar se u pengua nga serbet gjatë vizitës së tij në veri të vendit. Mustafa në profilin e tij në Facebook ka thënë se “nëse dikush ka tentuar ta pengojë këtë inaugurim, atëherë ata që kanë tentuar do të kenë mbetur mjedis rruge”. Postimin e tij të plotë, mund ta lexoni më poshtë.

 “Sot mora pjesë në inaugurimin e një ure, investim prej 400 mijë eurove nga NATO, në Kosovë. Fjala është për urën që lidh Zveçanin dhe Leposaviqin. Ishte një manifestim i organizuar nga KFOR-i.

Një infrastrukturë shumë e rëndësishme komunikimi ndërmjet banorëve të asaj pjese të Kosovës, por edhe një simbolikë e veçantë. Ura është komunikim, është lidhje, është hapje.
U ndjeva mirë që isha atje. Është një investim në shtetin tim. Kjo është esenca e ngjarjes. Nëse dikush ka tentuar ta pengoj këtë inaugurim, atëherë ata që kanë tentuar do të kenë mbetur mjedis rruge, kurse unë si Kryeministër isha në kohën e duhur në inaugurimin e urës.
Është e mundur, por edhe e çuditshme, që disa mediumeve tona u pëlqen më shumë një deklaratë fëmijaqe e një politikani serb dhe ajo për ta është më e rëndësishme sesa prezenca jonë në ngjarje të tilla. Por, kjo nuk është e gjitha. E vërteta flet se qarqe të caktuara serbe po tentojnë ta mbajnë peng këtë pjesë të Kosovës. Prandaj nuk kanë nevojë që të kenë në krah edhe ndonjë medium të Kosovës. Çdo rrugë në Kosovë është e jona. Me rëndësi është të arrijmë atje ku synojmë!” (sic.), ka shkruar ai.

Related Articles

Stay Connected

0FansLike
3,327FollowersFollow
0SubscribersSubscribe
- Marketing -spot_img

Latest Articles