26.1 C
Pristina
Saturday, May 21, 2022

Buy now

spot_img

Nexhmedin Spahiu: Me trenin nga Serbia do të vijnë edhe 50 tanke të Ushtrisë serbe

Më 15 shkurt të këtij viti do të shpallet formimi i Asociacionit të komunave me shumicë serbe, e si pasojë e kësaj do të zbarkojnë 50 tanke të ardhura nga Serbia, përmes trenit i cili do të funksionohet në janar, ka thënë në një prononcim për Telegrafin, analisti nga Mitrovica, Nexhmedin Spahiu.

Sipas tij, Asociacioni “do të etablohet pa zhurmë mediale, pasi vëmendja do të kthehet nga tanket që do të paraqesin rrezik për sigurinë e Kosovës”.

Spahiu tha se funksionimi i trenit është pozitiv, pasi do të shërbente për nevoja reale dhe praktike. Por, mendon se do të keqpërdoret për bartjen e tankeve.

“Në këtë mënyrë Kosova do të vihet para një akti të kryer që do të ketë pasoja të rënda në skenën ndërkombëtare”, ka thënë ai. “Dua t’ua tërheq vëmendjen strukturave të sigurisë së Kosovës, sepse është një situatë oportune politike ndërkombëtare, ku Serbia mund të marr hapa të tillë radikal për ta ndryshuar gjendjen në terren dhe pozitën e saj në dialog”.

Sipas tij, zgjidhja është e thjeshte për të mos lejuar që kjo gjë të ndodhë.

“Nëse i hapim sytë ne, NATO, FSK e Policia e Kosovës, mund t’i konfiskojnë tanket e të arrestojnë ushtarët duke e bërë horë Serbinë. Në të kundërtën, Serbia dëshmon se Kosova nuk është shtet”, tha ndër të tjera Spahiu. “Kështu formohet Zajednica, e Kosova do të humbasë kohë me tanke, ashtu si ka ndodh me Xhaminë e Ibrit, murin e Mitrovicës etj”.

Ndryshe, mediat serbe – duke iu referuar një njoftimi të lëshuar nga i ashtuquajturi drejtori i Zyrës për Kosovë në Qeverinë e Serbisë, Marko Gjuriq – kanë raportuar se për Vitin e Ri serb do të fillojë qarkullimi i trenit në relacionin Beograd-Mitrovicë.

Related Articles

Stay Connected

0FansLike
3,319FollowersFollow
0SubscribersSubscribe
- Marketing -spot_img

Latest Articles