15.9 C
Pristina
Thursday, March 28, 2024

Buy now

spot_img

Radha për t’u rrahur në burgun e Nishit, Nait Hasani rrëfen si e zëvëndësoi Ekrem Kastratin

Ish- i burogsuri politik dhe një nga themeluesit e Ushtrisë Çlirimtare të Kosovës , Nait Hasani në një rrëfim për FRONTAL të T7, ka treguar për torturat që kanë përjetuar pasi janë transferuar nga burgu i “Mitrovicës së Sremit” në burgun e Nishit. 

Hasani ka treguar për metodat që përdoreshin për të ushtruar dhunë ekstreme ndaj të burgosurve. Në këtë rrëfim për FRONTAL, Hasani thotë se për të shkuar drejt qelisë duhej të kaloje nëpër kordonin e forcave serbe. Ai thotë e përgjatë këtij kalimi, ushtrohej dhunë e tmerrshme.

Hasani ka treguar se në rradhë para tij kishte qenë Hasan Zeneli, e i cili ishte rrëzuar nga dhuna që ishte ushtruar ndaj tij. Hasani tregon se është futur në mes të kordonit dhe e ka kapur edhe Hasan Zenelin, duke e mbrojtur me trupin e tij derisa serbët e kishin goditur me lloj-lloj mjetesh të forta.

“Janë të dhimbshme këto për opinionin. Më 26 prill na kanë trasnferu në Nish. Ishim 43 të burgosur. Edhe në hyrje na ndanë, në hyrje të burgut goditnin secili sa mundke. Thirnin me emër. Me alfabet siç jemi kanë të renditur. Na rrehshin t’u shku për në dhomë. Ren një pas një. Para meje ishte Hasan Zeneli, u rreh u rrxu .Pas atij erdha unë, edhe e kam kap edhe Hasanin. Ata sillnin mbi mu, e unë nuk e lshova Hasanin. Kemi hi deri në burg. Rend njëri pas tjetrit. ”, ka rrëfyer Nait hasani në FRONTAL të T7, shkruan Express.

Hasani thotë se pastaj ishte radha për të dalë përsëri për t’u rrahur. Tregon se kur kishte ardhur radha e Ekrem Kastratit, ky i fundit kishte thënë se s’mund të dalë. Hasani thotë se kishte zgjedhur që të dilte për t’u rrahur nga forcat serbe në vend të Kastratit, i cili tash është kryetar i Komunës së Malishevës. 

Nait Hasani thotë se edhe në radhën e tretë, kishte dashur që të dalë për t’u rrahur nga serbët në vend të Agim Makollit, por thotë se s’ishte lejuar nga Bajrush Xhemajli i cili kishte dalë për ta zëvëndësuar Agim Makollin.

“Tani ishte kthimi përsëri. Pastaj erdhi radha e dytë, me dalë nga dhomat. Dolëm secili nganjëherë. Secili u duhke me dalë me u rreh. Qëllimi ishte me pastru diçka në korridor. Na rrahën secilin. Pastaj ata e lypnin numrin edhe për herë të tretë. Erdh radha e Ekremit, ai tha s’mundem me dalë. Dhe pastaj dola. Dola për Ekremin. Për herë të tretë erdh prap, ishte Agim Makolli.. Ai tha s’dal, fillova për me dal, por Bajrushi më ndali, doli ai”, ka shtuar tutje Nait Hasani.

“Ishte tmerr. Dhuna ishte me të gjitha llojet e stupcave. Të shtrimë për tokë. Disa që s’mundin me lëvizë, iu qitshin edhe ujë”, ka treguar Nait Hasani./Express/

Artikuj të ngjashëm

- Marketing -spot_img
- Marketing -spot_img

Artikujt e fundit

- Marketing -spot_img