Jesse Lingard e kaloi fazën e dytë të sezonit të kaluar tek West Ham, ekip ku u rikthye në formën e ditëve më të mirë, shënoi gola (9) dhe dhuroi shumë asiste.
Mesfushori ofensiv ka edhe një vit kontratë me Manchester United. Paraqitjet pozitive në Londër kanë bindur trajnerin OIe Gunnar Solskjaer ta mbajë në skuadër.
Milani doli në skenë disa ditë më parë në lidhje me 28-vjeçarin anglez. Nëse nuk ndodh rinovimi, “Djajtë e Kuq” do detyrohen ta shesin për të mos e humbur me parametra zero.
“Lingard është kthyer në formë, ka besimin tim dhe mund të japë shumë për Manchester United. Të gjithë e panë se çfarë bëri sezonin e kaluar me West Ham, uroj që të qëndrojë me ne“, deklaroi trajneri norvegjez i United.
