14.8 C
Pristina
Thursday, March 28, 2024

Buy now

spot_img

Syla: Kosova në listë të zezë të Kuintit, Kurti do të dezertojë

Gazetari Valon Syla tha të martën mbrëma se është politika e kryeministrit Albin Kurti që e ka sjellë Kosovën para izolimit e të ndëshkuar nga pesë shtetet e Kuintit.

Syla në emisionin Pressing në T7 në debat rreth situatës së tanishme dhe gjendjes pas vrullit diplomatik perëndimor që insiston në zbatimin e marrëveshjes së Asociacionit të Komunave me Shumicë Serbe si obligim i Kosovës, për shkak të kryeministrit Albin Kurti dhe qëndrimeve të tij do të ketë masa ndëshkuese.

“E para si Kosova si Kosovë është në listë të zezë të pesë shteteve të Kuintit për shkak të sjelljes së kryeministrit. Po e them Kosovë pasi Albin Kurti nuk humbë asgjë më këtu nga ky popullizëm nacionalist patetik, me këtë shantazh patriotik që po e bëni çdo ditë. Kush është kundër Albin Kurtit është me serb. Ky është diskursi i të gjithë juve. Kështu nis e gjitha. Përse mediat nuk po na e mbrojnë neve Albinin tonë? A të bëhemi si mediat serbe që e mbrojnë Vucic? Apo si mediat në Shqipëri që janë 90 % me Edi Ramën? Kjo është një vlerë qe nuk po e numëroni. Kosova për herë të parë ka marrë mesazh të vrazhdë nga Departamenti i Shtetit Amerikan dhe Emisarëve Amerikan që na e bëjnë me dije qartë, sidomos Escobar që ju nuk e shihni si amerikan e që është emisar special, ‘nuk është ky bash Amerika, është Biden’…” jo vetëm për ty po për gjithë komunistët e botës, shkoi Trump erdhi Biden ju përsëri po lene. Kosova dëmtohet me këto lëvizje e kriza që po i prodhon Kurti. Të parën goditje që e kemi është prishja e shqyrtimit të anëtarësimit në Këshill të Europës që të erdhi sot, shpulla e parë që e mori Gërvallka, Kosova nejse se për që është e humb karrierën Albin Kurti e Gërvalla s’e ka gajle kush po Kosova po humb kohë që është kapital e s’kthehet. Franca e Gjermania, italianët dolën të tretit me komunikata që e mbështesin SHBA’në me kërkesat e saj ndaj Kosovës. Kjo i bie që Kosova është në listë të zezë të pesë vendeve të Kuintit. Madje edhe Britania që koketonte ambasadori i saj me Albin Kurtin e që i kanë marrëdhëniet e mira.”

Shembujt e sotëm i përcolli Syla me deklaratën e emisarit amerikan Gabriel Escobar që këtë muaj e bëri dhe që ilustron gjendjen reale dhe pritjet e SHBA’së që Kosova mos të jetë pengesë në procese diplomatike.

“E keni fjalën e Escobar i cili thotë që ata nuk do janë këtu të humbim para, energji për politika që merren me targa të kerrit se ato na duhen për Ukrainë në luftë me Rusi se është ma mençur. Ose e merrni këtë punë më seriozisht është porosia e tij e për atë punë e shani. ”

Derisa po debatohej nëse kryeministri Kurti do të pranoante themelimin e Asociacionit të Komunave me Shumicë Serbe, Syla është i mendimit se nuk do të nënshkruajë por jo si një shembull i rezistencës apo por i kompleksit se ka lëshuar çdo rast historik që e ka pasur të jetë vendimtar në çështje kyçe që i ka lëshuar dhe sot i ka kompleks.

“Albin Kurti i frikësohet historisë. Për shkak të kësaj tute e ka një kompleks të madh që s’është në histori. I ka ikë historia para syve. Ishte përfaqësues i UÇK’së në zyrën e saj në Prishtinë me Adem Demaçin, ku edhe dezertuan e dhanë dorëheqje se nuk u pajtuan me qëndrimet e Rambujesë s’është me rëndësi. I iku 2008’ta e tash në fund është kapë për bishti të kësaj historie moderne të Kosovës që të futet në të. E vetmja mundësi për të janë këto negociata, nëse tregon sukses. Po ashtu siç hyri e i dha zor me gjoks përpara dëshiron të dezertojë. Ju kam thënë atë natë që të tanë i kishit informatat se Albin Kurti e kreu e pranoi, unë ju thosha ‘o ikë ky’ pasi ky siç kai ikur para çdo vendimi të madh historik përsëri do të ikë edhe tani. Edhe atëherë kur të ikë, do të mundohet që t’ua shesë Ramabajës dhe këtyre që dolën në shesh sot që vet i ka quajtur analfabetë, shumica thoshte, e që i ka votues, u shet si një këtë si një viktimë e re e të imperializmit amerikan, të paketuar më mirë, duke thënë se ‘ja Amerika s’më la t’iu mbroj juve dhe unë isha i vetmi se krejt këta të tjerë janë sejmenë, servil e me Serbinë’. Për Kosovën sanksionet kanë filluar, jemi në listë zezë tash e tutje keni me i pa shpullat diplomatike, Këshilli i Europës ra, liberalizmin harrojeni, izolimin priteni”.

Artikuj të ngjashëm

- Marketing -spot_img
- Marketing -spot_img

Artikujt e fundit

- Marketing -spot_img