Presidenti i Kosovës, Hashim Thaçi, do t’i shkojë në vizitë në Ankara homologut të tij turk, Recep Tayyip Erdogan.
Thaçi do ta vizitojë Erdoganin në Ankara javën e ardhshme, ka bërë të ditur vetë ky i fundit, në një konferencë për media, bashkë me homologun e tij nga Shqipëria, Bujar Nishani, që këto ditë po qëndron në vizitë në Turqi.
“Do të vazhdojë përkrahja jonë për njohjen e shtetit të Kosovës. Javën e ardhshme Presidenti i Kosovës do të jetë mysafiri im”, ka thënë Erdogan, transmeton Express.
“Siç ka thënë edhe Mustafa Kemal Ataturk, ne e duam popullin shqiptar. I njohim si vëllezër dhe nuk i shohim te largët nga me”, është shprehur presidenti i Turqisë.
