Trump, ka vlerësuar se periudha e Barack Obamës në Shtëpinë e Bardhë ishte “katastrofë”
I nominuari i Partisë Republikane për president amerikan, Donald Trump, ka vlerësuar se periudha e Barack Obamës në Shtëpinë e Bardhë ishte “katastrofë”, pak kohë pasi zoti Obama tha se Trump nuk është i aftë për të shërbyer si president i Shteteve të Bashkuara.
“Ai ishte i dobët, ai ishte i pafuqishëm” tha Trump për Obamën, mbrëmë gjatë një interviste në rrjetin Fox News.
Kandidati republikan tha se Barack Obama ishte “presidenti më i keq, ndoshta, në historinë e vendit tonë”.
Presidenti amerikan, Barack Obama, tha dje se sulmet e Donald Trumpit kundër prindërve myslimanë të ushtarit amerikan të vrarë në Irak dhe “fakti se ai duket se nuk ka njohuri bazike” për çështjet e rëndësishme në gjithë botën, e bëjnë atë “fatkeqësisht të papërgatitur” për të qenë president.
Zgjedhjet presidencale në Shtetet e Bashkuara mbahen më 8 nëntor, ndërsa rivale e zotit Trump është e nominuara demokrate, Hillary Clinton.
Prishtinapress.net është gazetë online e lajmeve nga vendi dhe bota. Ne mbesim të përkushtuar që të ofrojmë lajmet dhe ngjarjet me profesionalizëm, informim te drejtë, të paanshëm dhe të shpejtë. Materialet dhe informacionet në këtë portal mund të kopjohen, të shtypen ose të përdoren por vetëm pas referimit te qartë te burimit te portalit PrishtinaPress në përputhje me kushtet e përdorimit. Ne jemi të parët!
Na kontaktoni në email: info@prishtinapress.net
Për marketing në email: marketingu@prishtinapress.net
Tel: +383 (0) 46 701 - 702 apo +383 (0) 48 911 - 118
© Copyright - www.prishtinapress.net