Vajza e ish-presidentit iranian, Akbar Hashemi Rafsanjani u arrestua të martën në mbrëmje me pretekstin se “nxiti trazira” pas vdekjes së 22-vjeçares nga policia iraniane.
Duke injoruar thirrjet ndërkombëtare, autoritetet iraniane vazhdojnë të godasin protestuesit, duke i quajtur ata rebelë që dëmtojnë sigurinë dhe pronën publike. Sipas të dhënave të publikuara ditën e djeshme nga agjencia iraniane e lajmeve Fars, rreth 60 persona janë vrarë që nga 16 shtatori.
Policia tha se 10 u vranë në radhët e tyre, por nuk është e qartë nëse ata janë në mesin e 60 viktimave. Përveç kësaj, autoritetet iraniane theksuan se më shumë se 1200 protestues janë arrestuar që nga 16 shtatori./Prishtinapress/
