14.7 C
Pristina
Saturday, September 18, 2021

Buy now

spot_img

Zyrtarët e MD-së që janë nën hetime dhe me aktakuza i pret largimi nga puna (Dokument)

Ministrja e Drejtësisë, Dhurata Hoxha, përmes një kërkese drejtuar kryeprokurorit Aleksandër Lumezi, ka kërkuar të marrë informacione për të gjithë zyrtarët e kësaj ministrie nëse ndaj të njëjtëve rëndojnë akuza për vepra penale apo janë nën hetime.

Në kërkesën të cilën e ka siguruar Telegrafi shkruan se “varësisht nga të dhënat e Prokurorisë, Ministria e Drejtësisë do të veprojë në pajtim me përgjegjësit e përcaktuara me legjislacionin përkatës në fuqi”.

Ajo çfarë mund t’i presë zyrtarët e Ministrisë së Drejtësisë të cilët janë nën hetime apo kanë të ngritur aktakuzë për vepra penale, është suspendimi nga puna deri në largim, gjë e cila rregullohet edhe me Ligjin për Shërbyesit Civil.

Më poshtë po ua sjellim kërkesën e plotë të Ministrisë së Drejtësisë:

z.Aleksandër Lumezi
Kryeprokuror i Kosovës

Kërkesë për të dhëna për zyrtarët e Ministrisë së Drejtësisë

I nderuar z. Kryeprokuror
Po ju shkruaj në lidhje me zyrtarët e Ministrisë së Drejtësisë me qellim që puna e juaj të kryhet më mënyrë të pavarur dhe e pa ndikuar, me mirëkuptim ju lutëm të na ofroni të dhëna për zyrtarët e Ministrisë së Drejtësisë, të të gjitha niveleve, nëse ndaj tyre ka aktvendim për fillim të hetimeve apo është ngritë aktakuzë për vepra penale që ndërlidhen me detyrën zyrtare.
Me mirëkuptim ju lutëm që këtë kërkesë ta kuptoni si shprehje e vullnetit të Ministrisë së Drejtësisë për bashkëpunim me Prokuronin e Shtetit.
Dhe në vartësi nga të dhënat tuaja, Ministria e Drejtësisë do të veprojë në pajtim me përgjegjësit e përcaktuara me legjislacionin përkatës në fuqi.

Related Articles

Stay Connected

0FansLike
2,941FollowersFollow
0SubscribersSubscribe
- Marketing -spot_img

Latest Articles